JAUN ELIA (14 December 1931 – 8 November 2002)

Saari Batein Bhool Jaana Fareha

Saari Batein Bhool Jaana Fareha
Tha Woh Sab Kuchh Ek Fasaana Fareha

Haan Mohabbat Ek Dhokha Hi To Thee
Ab Kabhi Dhokha Na Khaana Fareha

Chhed De Gar Koi Mera Tazkera
Sunn Ke Tanzan Muskuraana Fareha

Meri Jo Nazmen Tumhaare Naam Hain
Ab Unhen Mat Gungunaana Fareha

Tha Faqat Roohon Ke Naalon Ki Shikast
Woh Tarannum, Woh Taraana Fareha

Bahes Kya Karna Bhala Halaat Se
Haarna Hai, Haar Jaana Fareha

Saaz-O-Barg-E-Aish Ko Meri Tarah
Tum Nazar Se Mat Giraana Fareha

Hai Shaoor-E-Gham Ki Ek Qeemat Magar
Tum Yeh Qeemat Mat Chukaana Fareha

Zindagi Hai Fitratan Kuchh Bad-Mizaaj
Zindagi Ke Naaz Uthaana Fareha

Peshkash Mein Phool Kar Lena Qubool
Ab Sitaare Mat Mangaana Fareha

Chand Weeraane Tasawwur Mein Rahein
Jab Nai Duniya Basaana Fareha

Jaanib-E-Ishrat Gah-E-Shehar-E-Bahaar
Ho Sake To Mil Ke Jaana Fareha

Sochta Hoon Kis Qadar Tareek Hai
Ab Mera Baqi Zamaana Fareha

Sunn Raha Hoon Manzil-E-Ghurbat Se Door
Baj Raha Hai Shaadiyaana Fareha

Mauj-Zan Paata Hoon Main Ek Sail-E-Rang
Az-Qafas-Taa-Aashiyaana Fareha

Ho Mubaarak Rasm-E-Taqreeb-E-Shabaab
Bar-Muraad-E-Khusrawaana Fareha

Saj Ke Woh Kaisa Laga Hoga Jo Tha
Ek Khwaab-E-Shayeraana Fareha

Sochta Hoon Main, Ke Mujh Ko Chaahiye
Yeh Khushi Dil Se Manaana Fareha

Kya Hua Gar Zindagi Ki Rah Mein
Hum Nahin Shaana-Ba-Shaana Fareha

Waqt Shaayad Aap Apna Jabr Hai
Us Pe Kya Tohmat Lagaana Fareha

Zindagi Ek Naqsh-E-Be-Naqqaash Hai
Us Pe Kya Ungli Uthaana Fareha

Kaash Ek Qaanoon Hota Jo Nahin
Zakhm Apne Kya Dikhaana Fareha

Kaash Kuchh Iqdaar Hote Jo Nahin
Phir Bhala Dil Kya Jalaana Fareha

Sirf Ek Jalti Hui Zulmat Hai Noor
Taab-O-Taabish Par Na Jaana Fareha

Yeh Jo Sab Kuchh Hai Yeh Shaayad Kuchh Nahin
Rog Jee Ko Kya Lagaana Fareha

Sail Hai, Bas Be-Karaan Lamhon Ka Sail
Gharq-E-Sail-E-Be-Karaana Fareha

Jaun Elia Poetry In Urdu

Ganwai Kis Ki Taman’na Mein Zindagi Mein Ne
Wo Koon Hai Jisey Dekha Nahi Kabhi Mein Ne

Jaun Elia Poetry In Hindi

T bhi chup hai main bhi chup hun ye kaisi tanhai hai

tu bhi chup hai main bhi chup hun ye kaisi tanhai hai
tere sath teri yaad aai kya tu sach-much aai hai

shayad wo din pahla din tha palken bojhal hone ka
mujh ko dekhte hi jab us ki angDai sharmai hai

us din pahli bar hua tha mujh ko rifaqat ka ehsas
jab us ke malbus ki KHushbu ghar pahunchane aai hai

husn se arz-e-shauq na karna husn ko zak pahunchana hai
hum ne arz-e-shauq na kar ke husn ko zak pahunchai hai

hum ko aur to kuchh nahin sujha albatta us ke dil mein
soz-e-raqabat paida kar ke us ki nind uDai hai

hum donon mil kar bhi dilon ki tanhai mein bhaTkenge
pagal kuchh to soch ye tu ne kaisi shakl banai hai

ishq-e-pechan ki sandal par jaane kis din bel chaDhe
kyari mein pani Thahra hai diwaron par kai hai

husn ke jaane kitne chehre husn ke jaane kitne nam
ishq ka pesha husn-parasti ishq baDa harjai hai

aaj bahut din baad main apne kamre tak aa nikla tha
jun hi darwaza khola hai us ki KHushbu aai hai

ek to itna habs hai phir main sansen roke baiTha hun
virani ne jhaDu de ke ghar mein dhul uDai hai

Jaun Elia Sad Shayari

Zindagi Kya Hai Ik Kahani Hai
Ye Kahani Nahi Sunani Hai

Jaun Elia Shayari In Hindi

Umr guzregi imtihan mein kya

umr guzregi imtihan mein kya
dagh hi denge mujh ko dan mein kya

meri har baat be-asar hi rahi
naqs hai kuchh mere bayan mein kya

mujh ko to koi Tokta bhi nahin
yahi hota hai KHandan mein kya

apni mahrumiyan chhupate hain
hum gharibon ki aan-ban mein kya

KHud ko jaana juda zamane se
aa gaya tha mere guman mein kya

sham hi se dukan-e-did hai band
nahin nuqsan tak dukan mein kya

ai mere subh-o-sham-e-dil ki shafaq
tu nahati hai ab bhi ban mein kya

bolte kyun nahin mere haq mein
aable paD gae zaban mein kya

KHamushi kah rahi hai kan mein kya
aa raha hai mere guman mein kya

dil ki aate hain jis ko dhyan bahut
KHud bhi aata hai apne dhyan mein kya

wo mile to ye puchhna hai mujhe
ab bhi hun main teri aman mein kya

yun jo takta hai aasman ko tu
koi rahta hai aasman mein kya

hai nasim-e-bahaar gard-alud
KHak uDti hai us makan mein kya

ye mujhe chain kyun nahin paDta
ek hi shaKHs tha jahan mein kya

Jaun Elia 2 line Shayari

Kal Par Hi Rakho Wafa Ki Batain
Main Aaj Bohat Bhuja Hoa Hon

Jon Elia Poetry

Us ke pahlu se lag ke chalte hain

us ke pahlu se lag ke chalte hain
hum kahin Talne se Talte hain

band hai mai-kadon ke darwaze
hum to bas yunhi chal nikalte hain

main usi tarah to bahalta hun
aur sab jis tarah bahalte hain

wo hai jaan ab har ek mahfil ki
hum bhi ab ghar se kam nikalte hain

kya takalluf karen ye kahne mein
jo bhi KHush hai hum us se jalte hain

hai use dur ka safar dar-pesh
hum sambhaale nahin sambhalte hain

sham furqat ki lahlha uThi
wo hawa hai ki zaKHm bharte hain

hai ajab faisle ka sahra bhi
chal na paDiye to panw julte hain

ho raha hun main kis tarah barbaad
dekhne wale hath malte hain

tum bano rang tum bano KHushbu
hum to apne suKHan mein Dhalte hain

Jon Elia Shayari

Kaam Ki Baat Mein Ne Ki Hi Nahi
Ye Mera Tore Zindagi Hi Nahi

Jon Elia Poetry In Urdu

Us ne hum ko guman mein rakkha

us ne hum ko guman mein rakkha
aur phir kam hi dhyan mein rakkha

kya qayamat-numu thi wo jis ne
hashr us ki uThan mein rakkha

joshish-e-KHun ne apne fan ka hisab
ek chup ek chaTan mein rakkha

lamhe lamhe ki apni thi ek shan
tu ne hi ek shan mein rakkha

hum ne paiham qubul-o-rad kar ke
us ko ek imtihan mein rakkha

tum to us yaad ki aman mein ho
us ko kis ki aman mein rakkha

apna rishta zamin se hi rakkho
kuchh nahin aasman mein rakkha

Jaun Elia Poetry

Jo Guzari Na Ja Sake Ham Se
Ham Ne Wo Zindagi Guzari Hai

Jaun Elia Poetry In Urdu

Wo jo tha wo kabhi mila hi nahin

wo jo tha wo kabhi mila hi nahin
so gareban kabhi sila hi nahin

us se har dam moamla hai magar
darmiyan koi silsila hi nahin

be-mile hi bichhaD gae hum to
sau gile hain koi gila hi nahin

chashm-e-maigun se hai mughan ne kaha
mast kar de magar pila hi nahin

tu jo hai jaan tu jo hai jaanan
tu hamein aaj tak mila hi nahin

mast hun main mahak se us gul ki
jo kisi bagh mein khila hi nahin

hae ‘jaun’ us ka wo piyala-e-naf
jam aisa koi mila hi nahin

tu hai ek umr se fughan-pesha
abhi sina tera chhila hi nahin

Jaun Elia Poetry In Hindi

Zindagi Kis Tarah Basar Ho Gi
Dil Nahi Lag Raha Mohabat Mein

Jon Elia Poetry In Urdu

Wo KHayal-e-muhaal kis ka tha

wo KHayal-e-muhaal kis ka tha
aaina be-misal kis ka tha

safari apne aap se tha main
hijr kis ka visal kis ka tha

main to KHud mein kahin na tha maujud
mere lab par sawal kis ka tha

thi meri zat ek KHayal-ashob
jaane main ham-KHayal kis ka tha

jab ki main har-nafas tha be-ahwal
wo jo tha mera haal kis ka tha

dopahar baad-e-tund kucha-e-yar
wo ghubar-e-malal kis ka tha

Jaun Elia Poetry

 Ahmad Khan Azmi

Kal Dophar Ajeeb Si Ik Be Dili Rahi
Telian Jala Ke Bhujata Raha Hoon Mein

Wo kya kuchh na karne wale the

wo kya kuchh na karne wale the
bas koi dam mein marne wale the

the gile aur gard-e-baad ki sham
aur hum sab bikharne wale the

wo jo aata to us ki KHushbu mein
aaj hum rang bharne wale the

sirf afsos hai ye tanz nahin
tum na sanwre sanwarne wale the

yun to marna hai ek bar magar
hum kai bar marne wale the

Sab Mere Baghair Mutmayin Hain
Mein Sab Ke Baghair Ji Raha Hun

Yaad use intihai karte hain

yaad use intihai karte hain
so hum us ki burai karte hain

pasand aata hai dil se yusuf ko
wo jo yusuf ke bhai karte hain

hai badan KHwab-e-wasl ka danggal
aao zor-azmai karte hain

us ko aur ghair ko KHabar hi nahin
hum lagai bujhai karte hain

hum ajab hain ki us ki banhon mein
shikwa-e-narasai karte hain

haalat-e-wasl mein bhi hum donon
lamha lamha judai karte hain

aap jo meri jaan hain main dil hun
mujh se kaise judai karte hain

ba-wafa ek dusre se miyan
har-nafas bewafai karte hain

jo hain sarhad ke par se aae
wo bahut KHud-satai karte hain

pal qayamat ke sud-KHwar hain ‘jaun’
ye abad ki kamai karte hain

Meri Bahon Mai Behakne Ki Saza Bi Sun Le
Ab Bohat Dair Mai Azad Karon Ga Tuj Ko

Yaadon ka hisab rakh raha hun

yaadon ka hisab rakh raha hun
sine mein azab rakh raha hun

tum kuchh kahe jao kya kahun main
bas dil mein jawab rakh raha hun

daman mein kiye hain jama girdab
jebon mein habab rakh raha hun

aaega wo naKHwati so main bhi
kamre ko KHarab rakh raha hun

tum par main sahifa-ha-e-kohna
ek taza kitab rakh raha hun

Ye Kafi Hai Keh Ham Dushman Nahi Hain
Wafadari Ka Dawa Kyun Krein Ham

Ye akasr talKH-kaami si rahi kya

ye akasr talKH-kaami si rahi kya
mohabbat zak uTha kar aai thi kya

na kasdam hain na afi hain na azhdar
milenge shahr mein insan hi kya

main ab har shaKHs se ukta chuka hun
faqat kuchh dost hain aur dost bhi kya

ye rabt-e-be-shikayat aur ye main
jo shai sine mein thi wo bujh gai kya

mohabbat mein hamein pas-e-ana tha
badan ki ishtiha sadiq na thi kya

nahin hai ab mujhe tum par bharosa
tumhein mujh se mohabbat ho gai kya

jawab-e-bosa sach angDaiyan sach
to phir wo be-wafai jhuT thi kya

shikast-e-e’timad-e-zat ke waqt
qayamat aa rahi thi aa gai kya

Pass Rah Kar Judai Ki Tuj Se
Dor Ho Kar Tuje Talash Kia
Mein Ne Tera Nishan Gum Kar Ke
Apne Andar Tuje Talash Kia

Mein Bhi Bohat Ajeeb Hun Itna Ajeeb Hun Keh Bas
Khud Ko Tabah Kar Liya Aur Malal Bhi Nahi

Jo Dekhta Hon Wohi Bolne Ka Aadi Hun
Mein Apne Shehr Ka Sab Se Bara Fisadi Hun

Ye Tere Khat Teri Khushbu Ye Tere Khawab o Khayal
Mtay-e Jaan Hai Tere Qol-o Qasam Ki Tarah
Guzishta Sal Inhain Mai Ne Gin Ke Rakha Tha
Kisi Ghareb Ki Jori Hoi Raqam Ki Tarah

Naya Ik Rishta Paida Kyun Krein Ham
Bicharna Hai Tu Jagra Kyun Krein Ham

Ghair Ke Dil Mai Gar Utarna Tha…
Mere Dil Se Utar Gaye Hote

Zindagi Aik Fun Hai Lamhon Ko
Apne Andaz Se Ginwane Ka

Us Ne Goya Mujhi Ko Yaad Rakha
Mein Bhi Goya Usi Ko Bhol Gaya

Muj Ko Khwahish Hi Dhondne Kin A Thi
Muj Mein Khoya Raha Khuda Mera

Ham Se Rotha Bhi Gaya Ham Ko Manaya Bhi Gaya
Phir Sabhi Naqsh Ta’luq Ke Mitaye Bhi Gaye

Shayad Muje Kisi Se Mohabat Nahi Hui
Lekin Yaqeen Sab Ko Dilata Raha Hun Mein

Ik Teri Brabri Ke Liye
Khud Ko Kitna Gira Chuka Hun Mein

Tum Jab Aao Gi Khoya Hua Pao Gi Muje
Meri Tanhai Mein Khwabon Ke Siwa Kuch Bi Nahi
Mere Kamre Ko Sajane Ki Tmana Hai Tumhen
Mere Kamre Mein Kitabon Ke Siwa Kuch Bi Nahi

Har Bar Tuj Se Milte Waqt
Tuj Se Milne Ki Aarzo Ki Hai
Tere Jaane Ke Baad Bi Mein Ne
Teri Khushbu Se Guftagu Ki Hai

Dhund Chai Hui Hai Jheelon Par
Ur Rahe Hain Parinde Teelon Par
Sab Ka Rukh Hai Nishamon Ki Taraf
Bastion Ki Taraf, Banon Ki Taraf

Mere Sare Qatal Muj Par Jan-o Dil Se Aashiq Thay
Mai Ne Hi Khud Ko Mara Khair, Sab Ka Bhla Ho Sab Ki Khair

Ham Rahe Par Nahi Rahe Abad
Yaad K Ghar Nahi Rahe Abad
Kitni Aankhein Hui Hlak Nazr
Kitne Manzar Nahi Rahe Abad
Ham Ke Ae Dil Thay Sukhn Sar Ta pa
Ham Labon Par Nahi Rahe Abad
Shehr Dil Mai Ajab Mhale Thay
Un Mai Aksar Nahi Rahe Abad
Jane Kia Waqia Hoa Kun Log
Apne Andar Nahi Rahe Abad