MIR TAQI MIR

Meer Taqi Meer Poetry

bar-ha gor-e-dil jhanka laya
ab ke shart-e-wafa baja laya

qadr rakhti na thi mata-e-dil
sare aalam mein main dikha laya

dil ki yak qatra KHun nahin hai besh
ek aalam ke sar bala laya

sab pe jis bar ne girani ki
us ko ye na-tawan uTha laya

dil mujhe us gali mein le ja kar
aur bhi KHak mein mila laya

ibtida hi mein mar gae sab yar
ishq ki kaun intiha laya

ab to jate hain but-kade se ‘mir’
phir milenge agar KHuda laya

Meer Taqi Meer Poetry In Hindi

baaten hamari yaad rahen phir baaten aisi na suniyega
paDhte kisu ko suniyega to der talak sar dhuniyega

sai o talash bahut si rahegi is andaz ke kahne ki
sohbat mein ulma fuzla ki ja kar paDhiye ginyega

dil ki tasalli jab ki hogi guft o shunud se logon ki
aag phunkegi gham ki badan mein us mein jaliye bhuniyega

garm ashaar ‘mir’ daruna daghon se ye bhar denge
zard-ru shahr mein phiriyega galiyon mein ne gul chuniyega

Meer Taqi Meer Poetry In Urdu

baghair dil ki ye qimat hai sare aalam ki
kaso se kaam nahin rakhti jins aadam ki

koi ho mahram shoKHi tera to mein puchhun
ki bazm-e-aish jahan kya samajh ke barham ki

hamein to bagh ki taklif se muaf rakho
ki sair-o-gasht nahin rasm ahl-e-matam ki

tanik to lutf se kuchh kah ki jaan-ba-lab hun main
rahi hai baat meri jaan ab koi dam ki

guzarne ko to kaj-o-wakaj apni guzre hai
jafa jo un ne bahut ki to kuchh wafa kam ki

ghire hain dard-o-alam mein firaq ke aise
ki subh-e-id bhi yan sham hai mahram ki

qafas mein ‘mir’ nahin josh dagh sine par
hawas nikali hai hum ne bhi gul ke mausam ki

Meer Taqi Meer Poetry In Urdu 2 Line

band-e-qaba ko KHuban jis waqt wa karenge
KHamyaza-kash jo honge milne ke kya karenge

rona yahi hai mujh ko teri jafa se har-dam
ye dil-dimagh donon kab tak wafa karenge

hai din sar ka dena gardan pe apni KHuban
jite hain to tumhaara ye qarz ada karenge

darwesh hain hum aaKHir do-ik nigah ki ruKHsat
goshe mein baiThe pyare tum ko dua karenge

aaKHir to roze aae do-chaar rose hum bhi
tarsa bachon mein ja kar daru piya karenge

kuchh to kahega hum ko KHamosh dekh kar wo
is baat ke liye ab chup hi raha karenge

aalam mere hai tujh par aai agar qayamat
teri gali ke har-su mahshar hua karenge

daman-e-dasht sukha abron ki be-tahi se
jangal mein rone ko ab hum bhi chala karenge

lai teri gali tak aawargi hamari
zillat ki apni ab hum izzat kiya karenge

ahwal-e-‘mir’ kyunkar aaKHir ho ek shab mein
ek umr hum ye qissa tum se kaha karenge

Meer Taqi Meer Poetry On Love

bani thi kuchh ek us se muddat ke baad
so phir bigDi pahli hi sohbat ke baad

judai ke haalat main kya kahun
qayamat thi ek ek saat ke baad

mua kohkan be-sutun khod kar
ye rahat hui aisi mehnat ke baad

laga aag pani ko dauDe hai tu
ye garmi teri is shararat ke baad

kahe ko hamare kab un ne suna
koi baat mani so minnat ke baad

suKHan ki na taklif hum se karo
lahu Tapke hai ab shikayat ke baad

nazar ‘mir’ ne kaisi hasrat se ki
bahut roe hum us ki ruKHsat ke baad

Meer Taqi Meer Poetry On Isqu

ba-rang-e-bu-e-gul us bagh ke hum aashna hote
ki hamrah-e-saba Tuk sair karte phir hawa hote

sarapa aarzu hone ne banda kar diya hum ko
wagarna hum KHuda the gar dil-e-be-muddaa hote

falak ai kash hum ko KHak hi rakhta ki is mein hum
ghubar-e-rah hote ya kasu ki KHak-e-pa hote

ilahi kaise hote hain jinhen hai bandagi KHwahish
hamein to sharm daman-gir hoti hai KHuda hote

tu hai kis nahiye se ai dayar-e-ishq kya jaanun
tere bashindagan hum kash sare bewafa hote

ab aise hain ki sanea ke mizaj upar baham pahunche
jo KHatir-KHwah apne hum hue hote to kya hote

kahin jo kuchh malamat gar baja hai ‘mir’ kya jaanen
unhen malum tab hota ki waise se juda hote

Meer Taqi Meer Poetry About Imam Husain

bazm mein jo tera zuhur nahin
sham-e-raushan ke munh pe nur nahin

kitni baaten bana ke laun ek
yaad rahti tere huzur nahin

KHub pahchanta hun tere tain
itna bhi to main be-shuur nahin

qatl hi kar ki us mein rahat hai
lazim us kaam mein marur nahin

fikr mat kar hamare jine ka
tere nazdik kuchh ye dur nahin

phir jiyenge jo tujh sa hai jaan-baKHsh
aisa jina hamein zarur nahin

aam hai yar ki tajalli ‘mir’
KHas musa wa koh-e-tur nahin

Meer Taqi Meer Famous Poetry

be-kasana ji giraftari se shewan mein raha
ek dal gham-KHwar rakhte the so gulshan mein raha

panja-e-gul ki tarah diwangi mein hath ko
gar nikala mein gareban se to daman mein raha

shama san jalte rahe lekin na toDa yar se
rishtha-e-ulfat tamami umr gardan mein raha

Dar se us shamshir-zan ke jauhar aaina san
sar se le kar panw tak main gharq aahan mein raha

hum na kahte the ki mat dair-o-haram ki rah chal
ab ye dawa hashr tak shaiKH-o-barahman mein raha

darpai dil hi rahe us chehre ke KHal-e-siyah
Dar hamein un chonton ka roz-e-raushan mein raha

aah kis andaz se guzra bayaban se ki ‘mir’
ji har ek naKHchir ka us said-e-afgan mein raha

Meer Taqi Meer Poetry

be-rawi wa zulf-e-yar hai rone se kaam yan
daman hai munh pe abr-e-namat subh-o-sham yan

aawaza hi jahan mein hamara suna karo
anqa ke taur zist hai apni ba-nam yan

wasf-e-dahan se us ke na aage qalam chale
yani kya hai KHame ne KHatm kalam yan

ghaalib ye hai ki mausam-e-KHat wan qarib hai
aane laga hai muttasil us ka payam yan

mat kha fareb-e-ijz azizan-e-haal ka
pinhan kiye hain KHak mein yaron ne dam yan

koi hua na dast-basar shahr-e-husn mein
shayad nahin hai rasm-e-jawab salam yan

nakaam rahne hi ka tumhein gham hai aaj ‘mir’
bahuton ke kaam ho gae hain kul tamam yan

Meer Taqi Meer Poetry In Hindi

betabiyon mein tang hum aae hain jaan se
waqt-e-shakeb KHush ki gaya darmiyan se

dagh-e-faraq-o-hasrat-e-wasl aarzu-e-did
kya kya liye gae tere aashiq jahan se

hum hamushon ka zikr tha shab us ki bazm mein
nikla na harf-e-KHair kasu ki zaban se

aab-e-KHizar se bhi na gai sozish-e-jigar
kya jaaniye ye aag hai kis dudman se

juz ishq jang-e-dahr se mat paDh ki KHush hain hum
us qisse ki kitab mein us dastan se

aane ka is chaman mein sabab bekali hui
jun barq hum taDap ke gire aashiyan se

ab chheD ye rakhi hai ki aashiq hai to kahen
al-qissa KHush guzarti hai us bad-guman se

kine ki mere tujh se na chahega koi dad
main kah marunga apne har ek mehrban se

daghon se hai chaman jigar-e-‘mir’ dahr mein
un ne bhi gul chune bahut us gulistan se

Meer Taqi Meer Poetry In Urdu

be-yar shahr dil ka viran ho raha hai
dikhlai de jahan tak maidan ho raha hai

is manzil-e-jahan ke bashinde raftani hain
har ek ke han safar ka saman ho raha hai

achchha laga hai shayad aankhon mein yar apni
aaina dekh kar kuchh hairan ho raha hai

gul dekh kar chaman mein tujh ko khila hi ja hai
yani hazar ji se qurban ho raha hai

haal-e-zabun apna poshida kuchh na tha to
sunta na tha ki ye said be-jaan ho raha hai

zalim idhar ki sudh le jun sham-e-subh-gahi
ek aadh dam ka aashiq mehman ho raha hai

qurban-gah-e-mohabbat wo ja hai jis mein har su
dushwar jaan dena aasan ho raha hai

har shab gali mein us ki rote to rahte ho tum
ek roz ‘mir’ sahab tufan ho raha hai

Meer Taqi Meer Poetry On Love

bhala hoga kuchh ek ahwal us se ya bura hoga
maal apna tere gham mein KHuda jaane ki kya hoga

tafahhus faeda naseh tadaruk tujh se kya hoga
wahi pawega mera dard-e-dil jis ka laga hoga

kaso ko shauq yarab besh us se aur kya hoga
qalam hath aa gai hogi to sau sau KHat likha hoga

dukanen husn ki aage tere taKHta hui hongi
jo tu bazar mein hoga to yusuf kab bika hoga

maishat hum faqiron ki si iKHwan-e-zaman se kar
koi gali bhi de to kah bhala bhai bhala hoga

KHayal us bewafa ka ham-nashin itna nahin achchha
guman rakhte the hum bhi ye ki hum se aashna hoga

qayamat kar ke ab tabir jis ko karti hai KHilqat
wo us kuche mein ek aashob sa shayad hua hoga

ajab kya hai halak ishq mein farhad-o-majnun ke
mohabbat rog hai koi ki kam us se jiya hoga

na ho kyun ghairat-e-gul-zar wo kucha KHuda jaane
lahu is KHak par kin kin azizon ka gira hoga

bahut ham-sae is gulshan ke zanjiri raha hun main
kabhu tum ne bhi mera shor nalon ka suna hoga

nahin juz arsh jaga rah mein lene ko dam us ke
qafas se tan ke murgh-e-ruh mera jab raha hoga

kahin hain ‘mir’ ko mara gaya shab us ke kuche mein
kahin wahshat mein shayad baiThe baiThe uTh gaya hoga

Meer Taqi Meer Poetry On Isqu

burqa uTha tha ruKH se mere bad-guman ka
dekha to aur rang hai sare jahan ka

mat maniyo ki hoga ye be-dard ahl-e-din
gar aawe shaiKH pahan ke jama quran ka

KHubi ko us ke chehre ki kya pahunche aaftab
hai us mein is mein farq zamin aasman ka

abla hai wo jo howe KHaridar-e-gul-ruKHan
us saude mein sarih hai nuqsan jaan ka

kuchh aur gate hain jo raqib us ke ru-ba-ru
dushman hain meri jaan ke ye ji hai tan ka

taskin us ki tab hui jab chup mujhe lagi
mat puchh kuchh suluk mere bad-zaban ka

yan bulbul aur gul pe to ibrat se aankh khol
gul-gasht sarsari nahin us gulistan ka

gul yaadgar-e-chehra-e-KHuban hai be-KHabar
murgh-e-chaman nishan hai kasu KHush-zaban ka

tu barson mein kahe hai milunga main ‘mir’ se
yan kuchh ka kuchh hai haal abhi is jawan ka

Meer Taqi Meer Poetry

bu ki ho su-e-bagh nikle hai
baw se ek dimagh nikle hai

hai jo andher shahr mein KHurshid
din ko le kar charagh nikle hai

chob-kari hi se rahega shaiKH
ab to le kar chumagh nikle hai

de hai jumbish jo wan ki KHak ko baw
jigar dagh dagh nikle hai

har sahar hadisa meri KHatir
bhar ke KHun ka ayagh nikle hai

us gali ki zamin-e-tafta se
dil-jalon ka suragh nikle hai

shayad us zulf se lagi hai ‘mir’
baw mein ek dimagh nikle hai

Meer Taqi Meer Famous Poetry

chaak par chaak hua jun jun sulaya hum ne
is gareban hi se ab hath uThaya hum ne

hasrat-e-lutf-e-azizan-e-chaman ji mein rahi
sar pe dekha na gul-o-sarwa ka saya hum ne

ji mein tha arsh pe ja bandhiye takiya lekin
bistara KHak hi mein ab to bichhaya hum ne

baad yak umr kahin tum ko jo tanha paya
Darte Darte hi kuchh ahwal sunaya hum ne

yan faqat reKHta hi kahne na aae the hum
chaar din ye bhi tamasha sa dikhaya hum ne

bare kal bagh mein ja murgh-e-chaman se mil kar
KHubi-e-gul ka maza KHub uDaya hum ne

tazgi dagh ki har sham ko be-hech nahin
aah kya jaane diya kis ka bujhaya hum ne

dasht-o-kohsar mein sar mar ke chande tujh bin
qais-o-farhad ko phir yaad dilaya hum ne

bekali se dil-e-betab ki mar guzre the
so tah-e-KHak bhi aaram na paya hum ne

ye sitam taza hua aur ki paiz mein ‘mir’
dil KHas-o-KHar se na-chaar lagaya hum ne