MOHSIN NAQVI

Wo Kya Gya Ke Ronaq e Dar-o Dewar Gyi Mohsin
Ik Shakhs Le Gya Meri Dunya Samait Kar

Poetry By Mohsin Naqvi

Jab bhi hansne ke zamaane aaye
Zakhm phir yaad puraane aaye

Baar-ha unko manaaya to hamein
RooTh jaane ke bahaane aaye

Phir mujhe toot ke chaaha usne
Phir bichhaRne ke zamaane aaye

Muskuraa kar hamein milne waale
Zindagi bhar ko rulaane aaye

Kitni mahroom thiN neendein unki
Khaab bhi jin ko jagaane aaye

Teri chahat ne Thaharne na diya
Raah mein kitne thikaane aaye

Tu nahi hai to hawa ka jhoNka
Ghar ki zanjeer hilaane aaye

Dil bujhaa hai na jale hain kheeme
Aap kyuN jashn manaane aaye

Isi ummeed pe jaago yaaro!
Ab woh kis waqt na jaane aaye

Raas aaya jinhein sehra ‘Muhsin’
Unki qismat mein khazaane aaye

Sad Poetry By Mohsin Naqvi

Zikar Shab-E Firaq Se Wahshat Usay Bhi Thi
Meri Tarah Kisi Se Mohabat Usay Bhi Thi

Mohsin Naqvi Poetry In Urdu

Bazaahir log kitne mehrbaaN the !
Magar dukh banTne wale kahaan the

LaboN per muskurahat ki dhanak thi
Lahoo lathre sukhan zer E zubaN the

Jo manzil aashna the wo musafir !!
Pus e khak e ghubaar e karvaaN the

Mai aise shahr ka baasi bana hooN
MakiN patther the, shishe k makaN the

Jala jab aashyaaN to hum ne jana
K tinke bhi hawa ke raazdaaN the

Kisi ne haal tak puchha na ‘Mohsin’
Hum ahl e dil bhi kitne rayegaaN the

Mohsin Naqvi Urdu Poetry

Umar Sar Tu Bohat Door Ki Baat Hai Mohsin
Ik Lamhe Ke Liye Kash Wo Mera Hota

Mohsin Naqvi Urdu Shayari

BichhaR ke tum se yeh sochuN, K dil kahaaN jaaye
Sehar udaas kare, shaam raayegaaN jaaye

ZameeN – badar jo hue ho to mere ham-safaro
Chalay chalo K jahaaN tak yeh aasmaaN jaaye

Tamaam shahr mein phailii hui hai tanhaayii
Ye dil jawaaN sahi, lekin kahaaN kahaaN jaaye

JaluN to yuN K azal jagmagaa uThe mujh se
BujhuN to yuN K abad tak mera dhuwaaN jaaye

Abhi to dil se nikal kar zabaaN tak aayi hai
Kise khabar K kahaaN tak yeh daastaaN jaaye

Qadam-qadam pe hai zandaN ravish-ravish pe salib
Koi to ho jo K jo ab bahr E imtehaaN jaaye

BichhaR chalaa hai to meri duaa bhi leta ja
WahaaN-wahaaN mujhe paye, jahaaN-jahaaN jaye

Main apne ghar ki taraf jaarahaa huN yuN ‘Muhsin’
K jaise luT ke, kisi ban mein kaarvaaN jaaye

Mohsin Naqvi Shayari

Ik Baar Aur Dekh Kar Azad Kar De Muje Mohsin
K Main Aaj Bi Teri Pehli Nazar Ki Qaid Main Hon

Mohsin Naqvi Ghazal

Tark E muhabbat kar baiThe hum, zabt E muhabbat aur bhi hai
Ek Qyaamat beet chuki hai, ek Qyaamat aur bhi hai

Hum ne usi ke dard se apne saaNs ka rishta joR liya
Wana shahr me zindaa rahne ki ek surat aur bhi hai

Doobta suraj dekh ke khush rahna kis ko raas aaya
Din ka dukh sah jaane walo, raat ki wahshat aur bhi hai

Sirf rutoN ke saath badalte rahne par mauQoof nahi
Us me bach_choN jaisi zid karne ki aadat aur bhi hai

Meri bheegti palkoN par jab us ne donoN haath rakhe
Phir yeh bhed khula in ashkoN ki kuchh Qeemat aur bhi hai

Us ko gaNvakar ‘Mohsin’us ke dard ka Qarz chukaana hai
Ek aziyyat maaNd paRi hai, ek aziyyat aur bhi hai

Mohsin Naqvi 2 Line Poetry

Ab Tak Meri Yaadon Se Mitaye Nahi Mit’ta
Bhegi Hoyi Ik Sham Ka Manzar Teri Aankhen

Mohsin Naqvi Poetry

Wafa meN ab yeh hunar ikhtiyaar karna hai
Woh sach kahay na kahay aaitebaar karna hai

Yeh tujh ko jaagtay rahnay ka shouq kab say huaa?
Mujhay to khair teraa intezaaar karna hai

Hawa ki zad meN jalanay haiN ansoN kay chiraagh
Kabhi yeh jashan sar E rahguzaar karna hai

Woh muskura kay naye waswasoN meN daal gaya
Khayaal tha K usay sharamsaar karna hai

Misaal E shaakh E barhana khizaN ke rut meN kabhi
Khud apnay jism ko be – barg O baar karna hai

Teray firaaq meN din kiss tarah kattaiN apnay
K shuGhal E shab to sitaray shumaar karna hai

Chalo yeh ashak hi moti samajh kay baich aayaiN
Kissi tarah to hamaiN rozgaar karna hai

Kabhi to dil meN chhupay zakhm bhi numayaaN hoN
Qaba samajh kay badan taar taar karna hai

Khuda khabar yeh koi zid K shouq hai ‘Mohsin’
Khud apni jaan kay dushman say payaar karna hai

Poetry By Mohsin Naqvi

Mohsin Main Baat Baat Pe Kehta Tha Jis Ko Jaan
Wo Shakhs Aaj Muj Ko Bey Jan Kar Gya

Mohsin Naqvi Poetry In Urdu

Kabhi jo cheR gayee yaad-E-raftagaaN Mohsin
Bikhar gayee haiN nigaaheN kahaaN kahaaN Mohsin

Hawa ne raakh urraaii to dil ko yaad aayaa
K jal bujheeN mere khaabon ki bastiyaaN Mohsin

Kuch aaise ghar bhi miley jin meN ghooNgatoN k iwaz
Hui haiN dafn dopattoN meN larrkiyaaN Mohsin

KhaNdar hai ahd-E-guzishta na chhu na chheR isay
KhuleN to band na hoN is ki khirrkiyaaN Mohsin

Bujha hai kaun sitaaraa k apni aankh k saath
Huey haiN saare manaazir dhuaaN dhuaaN Mohsin

Nahi k us ne ganwaaye haiN maah O saal apne
Tamaam umr kaTi yuun bhi raaegaaN Mohsi

Mila to aur bhi taqseem kar gaya mujh ko
SameiTna theeN jisay meri kirchiyaaN Mohsin

KahiN se us ne bhi toRa hai khud se rabt-E-wafa
Kahin se bhool gaya maiN bhi daastaaN Mohsin

Mohsin Naqvi Urdu Poetry

Ye Dil Ye Pagal Dil Mera Kun Bhuj Gya Awargi
Is Dasht Mein Ik Shehr Tha Wo Kya Hoya Awargi
Kal Shab Muje Be Shakal Ki Awaz Ne Chonka Dya
Mein Na Kaha Tu Kon Hai Us Ne Kaha Awargi

Mohsin Naqvi Urdu Shayari

BichhaR ke mujh se kabhi tu ne yeh bhi sochaa hai
Adhuuraa chaand bhi kitnaa udaas lagtaa hai

Ye lamhaa vasl kaa hai isko raayegaaN na samajh
K is ke baad vahii duuriyoN kaa sahraa hai

Kuchh aur der na jhaRtaa udaasiyoN kaa shajar
Kise Khabar tere saaye meN kaun baiThaa hai

Ye rakh-rakhaao muhabbat sikhaa gayii us ko
Vo ruuth kar bhi mujhe muskuraa ke miltaa hai

MaiN kis tarah tujhe dekhuun nazar jhijhakti hai
Teraa badan hai K yeh aaiinoN kaa dariyaa hai

Mohsin Naqvi Poetry In Urdu

Ham Tu Hanste Hain Dosron Ko Hansane Ki Khatar Mohsin
Warna Dil Pe Zakhm Itne Hain Ke Roya Bi Nahi Jata

Mohsin Naqvi Shayari

Ye dil, ye paagal dil mera kyuN bujh gayaa? aavaargii
Is dasht meN ik shahar thaa wo kyaa huaa? aavaargii

Kal shab mujhe be-shakl sii aavaaz ne chauNkaa diyaa
MaiN ne kahaa tuu kaun hai? us ne kahaa aavaargii

Ik tuu k sadiyoN se mere ham_raah bhiii ham_raaz bhii
Ik maiN k tere naam se naa_aashnaa aavaargii

Ye dard kii tanhaa_iyaaN, ye dasht kaa viiraaN safar
Ham log to uktaa gaye apanii sunaa aavaargii

Ik ajnabii jhoNke ne jab, puchhaa mere gham ka sabab
Sahraa kii bhiiigii ret par maiN ne likhaa aavaargii

Le ab to dasht-e-shab kii saariii vus’ateN sone lagiiN
Ab jaaganaa hogaa hameN kab tak? bataa aavaargii

Kal raat tanhaa chaaNd ko dekha tha maiN ne Khaab meN
‘Mohsin’ mujhe raas aayegii, shaayad sadaa aavaargii

Mohsin Naqvi 2 Line Poetry

Tumhen Jab Ru-baro Dekha Karen Gey
Ye Socha Hai Bohat Socha Karen Gey

Mohsin Naqvi Ghazal

Zikr-e shab-e firaaq se wehshat usay bhi thee,
Meri tarah kisi se muhabbat usay bhi thee.

Mujh ko bhi shoq tha naye chehron ki deed ka,
Rasta badal k chalne ki aadal usay bhi thee.

Us raat dair tak wo raha mahav-e guftagoo,
Masroof main bhi kam tha faraagat usay bhi thee.

Mujh se bichhar k shahar main ghul mil gaya wo shakhs,
Haalaanke shahar bhar se adaawat usay bhi thee.

Wo mujh se barh k zabt ka aadi tha jee gaya,
Warna her aik saans qayamat usay bhi thee.

Sunta tha wo bhi sab se puraani kahaaniyaan’
Shayad rifaaqaton ki zaroorat usay bhi thee.

Tanha husa safar main to mujh pe khula ye bhaid,
Saaye se pyar, dhoop se nafrat usay bhi thee.

Mohsin’ main us se keh na saka yun bhi haal-e dil,
Dar-pesh aik taaza museebat usay bhi thee..

Mohsin Naqvi Urdu Poetry

Ab Tu Bas Jaan Hi Deni Ke Bari Hai Mohsin
Main Kahan Tak Sabat Karon Ke Wafa Hai Muj Main

Usay Pana Usay Khona Usi Ke Hijr Mein Rona
Yehi Gar Ishq Hai Mohsin To Ham Tanha Hi Ache Thay

Wo Aksar Din Mein Bachon Ko Sula Deti Hai Is Dar Se
Gali Mein Phir Khilone Bechne Wala Na Aa Jaye

Us Ne Ye Soch Kar Hame Alwida Keh Diya Mohsin
Ye Ghreeb Log Hain Muhabat Ke Siwa Kya Dey Gey

Ham Apni Dharti Se Apni Har Simat Khud Talashen
Hamari Khatir Koi Sitara Nahi Chale Ga

Aj ki raat bi mumkin hai na soo sakon mohsin
Yad phir ayi hai neendon ko urane wali

Kahan Mile Gi Misal Meri Satam Giri Ki
Keh Mein Gulabon Ke Zakhm Kanton Say See Raha Hun

Azal Se Qayam Hain Dono Apni Zidon Pe Mohsin
Chale Ga Pani Magar Kinara Nahi Chale Ga

Ab K Barish Mein Tu Ye Kar-e Zyan Hona Hi Tha
Apni Kachi Bastion Ko Be-Nishan Hona Hi Tha

Chal Para Hun Mein Zamane Ke Asolon Pe Mohsin
Mein Ab Apni Hi Baton Se Mukar Jata Hun

Ik Diya Dil Mein Jlana Bhi, Bhuja Bhi Dena
Yaad Karna Bhi Usay Roz, Bhula Bi Dena
Kia Kahon Ye Meri Chahat Hai Ke Nafrat Us Ki
Naam Likhna Bhi Mera, Likh Ke Mita Bhi Dena

Siah Raat Mai Jalte Hain Jugnu Ki Tarah
Dilon Ke Zakhm Bi Mohsin Kmal Hote Hain

Thehrti Hui Shab-e-Syah Aur Wo Bi Taweel Tar
Mohsin Hijr Ke Maron Par Qayamat Hai December

Hmain Tu Kab Se Pta Hai K Tu Bewafa Hai Mohsin
Tuje Chaha Is Liye Shayad Teri Fitrat Badal Jaye

Kehta Tha Ke Tu Na Mila Tu Mar Jaon Ga Mohsin
Wo Aaj Bi Zinda Hai Yehi Baat Kisi Aur Ko Kehne Ke Liye

Main Tere Milne Ko Mojza Keh Raha Tha Lekin
Tere Bicharne Ka Saniha Bi Kamal Guzra

Jis Ko Tufan Se Uljane Ki Aadat Ho Mohsin
Aesi Kashti Ko Smandar Bi Dua Deta Hai

Teri Baton Main Zikr Us Ka Meri Baton Main Zikr Tera
Ajab Ishq Hai Mohsin Na Tu Mera Na Wo Tera

Jab Se Us Ne Shehr Ko Chora Har Rasta Sunsan Hua
Apna Kia Hai, Sare Shehr Ka Ik Jese Nuqsan Hoa
Sehra Ki Munh Zor Hwain, Auron Se Mansob Huen
Muft Main Ham Awara Thehray Muft Main Ghar Sunsan Hua

Kon Kehta Hai Nafraton Main Dard Hai Mohsin
Kuch Mohabtain Bi Bari Azait Nak Hoti Hain

Jab Chale To Tanha Thay Safr Main Mohsin
Phir Tum Milay Gham Milay Tanhai Mili Qafla Sa Ban Gaya

Ham Se Bewafai Ki Intha Kia Pochte Ho Mohsin
Wo Ham se Pyar Sekhta Raha Kisi Aur Ke Liye

Inkaar Ki Si Lazat, Iqrar Main Kahan Hai..?
Barhta Hai Ishq Mohsin Un Ki Nahin Nahin Se

Mila Tu Aur Bi Taqseem Kar Gaya Muj Ko
Sameetna Thi Jisay Meri Kerchian Mohsin

Ulja Rahi Hai Muj Ko Yahi Kashmakash Musalsal Mohsin
Wo A Basa Hai Muj Main Ya Main Us Main Kho Gaya Hoon

Ab Ye Socha Hai Apni Zaat Main Rahein Gay Mohsin
Buhat Dekh Lia Logon Se Shanasai Kar Ke

Tumhen khabar hi nahin ke koi toot gaya
Muhabaton ko bahut payedar karte hoye

Ae zindagi tu hi bta kese tuj se payar karon main
Teri har saans meri umar ghata deti hai

Tere qareeb bi reh kar tuje talash karon
Muhabtoon main meri bad hawasian na gayen

Ajeeb tarah se dono nakam hoye mohsin
Wo mujay chah na saka or main usay bhula na saka

Yad kar ke muje takleef hi hoti ho gi
Ik kissa hoon purana sa bhula de muj ko

Jab bhi hansne ke zamaane aaye
Zakhm phir yaad puraane aaye
Baar-ha unko manaaya to hamein
RooTh jaane ke bahaane aaye